Lög og reglugerðir

Hér er að finna ýmis lög og reglugerðir sem varða iðn- og starfsnám.

Iðnaðarlög frá 1978 innihalda lagaskilyrði sem uppfylla þarf til starfrækslu iðnfyrirtækja. Þar er m.a. fjallað um ábyrgð iðnmeistara.

Framhaldsskólalög frá 2009 innihalda meginreglur um starfrækslu framhaldsskólans. Í 24. gr. - 28. gr. er fjallað um starfsgreinaráð og hlutverk þeirra.

Reglugerð um sveinspróf fjallar um þær reglur sem gilda um framkvæmd sveinsprófa. Í 5. og 6. gr. er kveðið á um hvernig sveinsprófsnefndir eru skipaðar. Starfsgreinaráð gerir tillögu að skipan en menntamálaráðherra skipar í nefndirnar.

Reglugerð um vinnustaðanám og starfsþjálfun á vinnustað fjallar um þær kröfur sem gerðar eru til vinnustaða sem taka nema á samning.

Reglugerð um starfsgreinaráð kveður á um hlutverk og skipan starfsgreinaráða. Skv. 6. gr. er hlutverk starfsgreinaráða að:

að skilgreina þarfir fyrir kunnáttu og hæfni sem námsbrautalýsingar fyrir viðkomandi starfsgreinar byggjast á og eru hluti af aðalnámskrá framhaldsskóla,
að gera tillögur um lokamarkmið starfsnáms í samræmi við ramma um hæfniviðmið viðkomandi lokaprófs,
að gera tillögur að námsbrautarlýsingum fyrir einstakar námsbrautir sem framhaldsskólar geta haft til viðmiðunar,
að setja viðmið fyrir skiptingu náms í skóla og náms á vinnustað,
að gera tillögur um uppbyggingu og inntak lokaprófa í starfsnámi á sínu sviði,
að veita umsögn um námsbrautarlýsingar starfsnáms sem einstakir skólar leita eftir staðfestingu á,
að vera ráðgefandi við mat á beiðni einkaskóla um viðurkenningu á starfrækslu starfsnámsbrauta,
að halda skrá yfir fyrirtæki og vinnustaði sem uppfylla skilyrði til vinnustaðanáms,
önnur verkefni sem ráðherra felur starfsgreinaráði hverju sinni.

Reglugerð um einkaskóla á framhaldsskólastigi fjallar um hvernig veita skuli einkaskólum sem starfa á framhaldsskólastigi starfsheimild og viðurkenningu.