Chris Aires, breskur sérfræðingur í podcasting mun halda eins dags námskeið í Podcasting 9. mars. Podcasting eða hlaðvarp er nú að ryðja sér til rúms við útvarpssendingar á vefnum. Námskeiðið hentar mjög vel þeim sem vilja auka færni sína við vefmiðlun og hafa nokkra þekkingu á umsýslu vefmiðla. Námskeiðið tekur einn dag og er hluti af syrpu styttri námskeiða í mars. Í vikunni á undan verður Nigel French með framhald í InDesign CS4 og strax í vikunni þar á eftir verður Karsten Vestergaard með námskeið í Flash. 

Prenttæknisvið IÐUNNAR fræðsluseturs og Rannóknir og greining Háskólans í Reykjavík hafa gert með samning um að kanna umfang náms í upplýsinga- og fjölmiðlagreinum. Auk þess verða afdrif nemenda í þessum greinum könnuð. Líklegt er að niðurstöður liggi fyrir snemma vors 2009. Hugmyndin er upphaflega orðin til innan Starfsgreinaráðs upplýsinga- og fjölmiðlagreina en fjármagn til rannsóknarinnar fékkst úr Starfsmenntasjóði. Rannsóknin og niðurstöður hennar munu nýtast við endurskoðun námskrár í upplýsinga- og fjölmiðlagreinum á næstu misserum. Prenttæknisvið ásamt Rannóknum og greiningu HR munu gangast fyrir opnum fundi um niðurstöðurnar þegar þær liggja fyrir í vor.

Skráning er nú hafin á námskeið prenttæknisviðs á vorönn 2009. Alls eru 17 námskeið í boði á þessarri vorönn sem er talsverð aukning námskeiða frá því sem verið hefur. Þessi aukning helgast ekki síst af þeirri þörf sem skapast þegar atvinnuleysi knýr dyra. Sérstaklega er bent á námskeið í vefmiðlun sem haldið er af Tækniskólanum, námskeið í málmiðnaði, málmsuðu og vélfræði auk námskeiða fyrir hönnuði. Einfaldast er að skrá sig með því að smella á hnappinn hér til hægri eða hringja í síma 5906400.

  Kristín Ragna Gunnarsdóttir og Halldór Baldursson munu kenna á námskeiðum prenttæknisviðs á vorönn 2009. Kristín Ragna kennir námskeiðið ,,Frásagnarteikning" en Halldór kennir námskeiðið ,,myndskreytingar". Námskeiðið með Kristínu hefst 12. janúar og verður kennt í húsnæði IÐUNNAR að Skúlatúni 2.

Kennt verður tvisvar í viku á mánudögum og miðvikudögum frá 9.00-12.00. Í febrúar tekur Halldór við og kennir áfram á mánudögum og miðvikudögum út febrúar. Námskeiðin eru ætluð fagfólki í hönnun og grafískri miðlun.

Hægt er að skrá sig hér og með því að hringja í 5906400.

Rétt er að benda á að atvinnulausir félagar FGT og FBM fá ókeypis á námskeið prenttæknisviðs.  

Boðið verður upp á námskeið í vefmiðlun fyrir aðildarfélaga prenttæknisviðs. Námskeiðið er haldið af Margmiðlunarskólanum og hefst um miðjan janúar. Á námskeiðinu verða kenndar ítarlegar aðferðir við Flash, action scripting og html á 16 vikum. Þátttakendur ættu því að vera vel færir í vefmiðlun að námskeiðinu loknu. Námskeiðið er sérstaklega ætlað prentsmiðum, grafískum miðlurum, hönnuðum og öðru fagfólki í upplýsinga- og fjölmiðlagreinum. Námskeiðið skerðir ekki bótarétt atvinnulausra en bent er á sérstök skilyrði um tilkynningarskyldu og mætingar fyrir þá sem þiggja bætur Vinnumálastofnunar. Nánari upplýsingar veitir Björn M. Sigurjónsson sviðsstjóri prenttæknisviðs IÐUNNAR.

Svartlistarnámskeið sem haldið var í samvinnu prenttæknisviðs og Listaháskólans lauk á miðvikudag. Ánægja var með námskeiðið og höfðu nemendur á orði að þetta hefði komið þeim skemmtilega á óvart. Líklegt má telja að framhald verði á slíkum námskeiðum á vorönn.

Alls er stefna að 16 námskeiðum á prenttæknisviði á vorönn sem er 90% aukning frá fyrri misserum í framboði námskeiða.

Auglýsing um sveinspróf var birt í Morgunblaðinu og Fréttablaðinu sunnudaginn 26. október.

Fjölmennur fundur um stöðu námssamninga í löggiltum iðngreinum var haldinn í húsnæði IÐUNNAR fræðsluseturs föstudaginn 14. nóvember.
Óvissan í efnahagsmálum þjóðarinnar kemur niður á námsmönnum í samningsbundnu iðnnámi eins og öðrum.
Rætt var um möguleg úrræði sem hægt væri að grípa til og ítrekaður réttur nema samkvæmt Reglugerð um námssamninga og starfsþjálfun, nr. 280/1997. Með reglugerð um breytingu nr, 423/2000.
Ákveðið var að vinna áfram að því að leita lausna.

 

Sérstakar ráðstafanir vegna bágs atvinnuástands verða kynntar í næstu viku. Prenttæknisvið hefur safnað upplýsingum um þau úrræði sem bjóðast í menntun og styrkja möguleikum aðildarfélaga pts. Væntanlegt er að upplýsingunum verði dreift á félagsmenn í FBM um leið og þær eru tilbúnar.

Framhaldsnámskeið í InDesign, Illustrator og Photoshop á vorönn
Vegna tíðra fyrirspurna verður látið uppi að framhaldsnámskeið fyrir lengra komna notendur í InDesign, Illustrator og Photoshop verða haldin á vorönn. Íslandsvinurinn og Photoshop-gúrúinn Ben Willmore er væntanlegur auk Nigel French sem er orðinn okkur vel kunnugur.

Svartlistarnámskeið hófst í gærkvöldi með 10 þátttakendum úr prentiðnaði. Jóhann Ludwig Torfason kennari við Listaháskóla Íslands leiðbeinir á námskeiðinu. Námskeiðið hefur vakið nokkra forvitni enda nýstárlegt og spennandi. Námskeiðið spannar fjögur kvöld og nemendur vinna verkefni undir handleiðslu Jóhanns.
Þegar tíðindamaður pts.is leit við í gærkvöldi voru þátttakendur að gera sig klára fyrir verkefni.

Undirritaður hefur verið samningur á milli IÐUNNAR fræðsluseturs og Starfsafls, starfsmenntar Samtaka atvinnulífsins og Flóabandalagsins. Samningurinn gerir iðnfyrirtækjum kleift að senda alla starfsmenn, jafnt iðnaðarmenn sem almenna starfsmenn Flóabandalagsins á námskeið IÐUNNAR og greiða fyrir það lágmarksgjald samkvæmt gjaldskrá IÐUNNAR. Starfsafl greiðir mismun félagsgjalds og almenns námskeiðsgjalds fyrir félagsmenn Flóabandalagsins (Eflinga, Hlífar og VSFK).

Margir aðildarfélagar prenttæknsisviðs hafa nýtt sér námsstyrki prenttæknisjóðs á þessu ári. Alls hafa um 106 einstaklingar fengið styrki til lengra eða styttra náms í háskólum, Tækniskólanum og öðrum menntastofnunum. Styrkirnir nema allt að 100.000 krónum eða 70% af námskeiðsgjöldum fyrir starfstengt nám. Þá má nefna að landsbyggðarfélagar geta sótt um ferðastyrk til að sækja námskeið.Dæmi um nám sem sjóðurinn styrkir er t.d. markaðsfræði, upplýsingatækni, tölvufræði og viðskiptanám.

Eyðublöð fyrir umsóknir styrkja eru hér. Aðildarfélagar eru hvattir til að nýta sér alla möguleika til að styrkja sig á vinnumarkaði. 

Aðildarfélögum prenttæknisviðs IÐUNNAR standa nokkrar leiðir til boða. Rétt er að minna á nokkrar þeirra.

Náms- og starfsráðgjöf er fyrir þá sem vilja skoða stöðu sína á vinnumarkaði í ljósi breyttra aðstæðna. Ráðgjöfin felst í stöðumati og bent er á færar leiðir til að mennta sig að nýju eða bæta við sig námi. Markmiðið er að styrkja einstaklinginn á vinnumarkaði. Ekki er um vinnumiðlun að ræða heldur stuðning og eftirfylgni. 

Ráðgjöfin er öllum opin og félögum í FBM að kostnaðarlausu. Hægt er að panta tíma með því að senda póst á netfangið edda@idan.is eða með því að hringja í síma 5906400.

Aðildarfélagar með réttindi hjá FBM geta sótt um styrki til að sækja námskeið eða styrk fyrir skólagjöldum í lengra nám. Styrkirnir nema allt að 75% af námskeiðsgjöldum. Umsóknareyðublöð og nánari upplýsingar eru á www.fbm.is. Rétt er að benda á að atvinnulausir félagar í FBM fá öll námskeið sér að kostnaðarlausu. 

Fyrirtækjastyrkir eru í boði til þeirra fyrirtækja sem hyggjast bjóða upp á námskeið innan sinna veggja. Styrkirnir nema allt að 50% af kostnaði og geta hæstir verið um 500.000. Fyrirspurnum skal beint til sviðsstjóra á netfangið bjorn@idan.is

Þeir láta ekki krepputal draga úr sér máttinn í Guðjónó. Nú á dögunum settu þeir upp nýja prentvél af gerðinni Speedmaster SM-52. Vélin er ein af fullkomnari vélum Heidelberg, prentar allt að 15.000 örkum á klukkustund með tveimur lakkvölsum og tvöföldu þurrkkerfi. Innrauður geisli þurrkar í fyrri umferð og heitur blástur lýkur verkinu á seinni valsinum. Með þessu verður afgreiðsluhraði prentgripanna aukinn. Auk þess er innstillingartími styttri en á eldri vélum og úrkast og frálag eins og best gerist frá Heidelberg. Sérfræðingar Nýherja settu vélina upp en sérstakur kennari kom frá Heidelberg í kjölfarið og kenndi starfsmönnum Guðjónó á vélina. ,,Þetta geriri okkur kleift að þjóna okkar viðskiptavinum betur og hraðar með auknum gæðum", sagði Þórleifur V. Friðriksson prentsmiðjustjóri. Aðspurður sagðist hann ekki láta krepputal draga úr sér máttinn. (Á myndinni er Þórleifur við nýju vélina og Matthias Kocher kennari frá Heidelberg í bakgrunni).

Evrópska iðnnemakeppnin var haldin 18.-20. október s.l. Þriggja manna hópur af prenttæknisviði fór utan til að kynna sér sýninguna, þau Georg Páll Skúlason frá FBM, Hanna Þórunn Skúladóttir frá SI og Björn M. Sigurjónsson sviðsstjóri prenttæknisviðs IÐUNNAR. Um leið sátu þau málþing og fund EGIN samtakanna. Keppnin í upplýsinga- og fjölmiðlagreinum var athyglisverð fyrir margra hluta sakir. Keppt var í þriggjamanna liðum, grafísks miðlara, vefmiðlara og prentara. Keppnisverkefnið var að búa til vefgrafík, plaköt, bæklinga og dreifpóst fyrir skífuþeytarann Jean sem er þekktur skemmtikraftur í Hollandi.Íslenska sendinefndin safnaði nokkrum upplýsingum um keppnisreglur og fyrirkomulag keppninnar ytra sem verður nýtt við næstu iðnnemakeppni á Íslandi.

Góð þátttaka er á námskeið með Nigel French í Lightroom sem haldið verður 6. október n.k. Nú eru aðeins 4 sæti laus og fyrstur kemur fyrstur fær. Nigel French er okkur að góðu kunnur en hann var með framhaldsnámskeið í InDesign í fyrra við góðan orðstí. Nigel er lipur kennari með mikla reynslu af grafískri hönnun, ljósmyndun og auglýsingagerð.Hann rak eigin stofu í San Francisco þar til fyrir nokkrum árum að hann söðlaði um og flutti til heimaborgar sinnar London. 

Nigel verður einnig hér á landi 7. október. Þá er möguleiki að hann fari í fyrirtæki með s.k. ,,troubleshoot". Þá gengur leiðbeinandi á milli og starfsmenn umbrotsdeilda geta spurt um ákveðin vandamál sem þeir hafa eða hann bendir á hraðvirkari leiðir við vinnslu. Þeir sem hafa áhuga á því hafi samband við Björn M. Sigurjónsson sviðsstjóra prenttæknisviðs á bjorn@idan.is

Evrópska iðnnemakeppnin var haldin 18.-20. október s.l. Þriggja manna hópur af prenttæknisviði fór utan til að kynna sér sýninguna, þau Georg Páll Skúlason, Hanna Þórunn Skúladóttir og Björn M. Sigurjónsson. Um leið sátu þau málþing og fund EGIN samtakanna.  Keppnin í upplýsinga- og fjölmiðlagreinum var athyglisverð fyrir margra hluta sakir. Keppt var í þriggjamanna liðum, grafísks miðlara, vefmiðlara og prentara. Keppnisverkefnið var að búa til vefgrafík, plaköt, bæklinga og dreifpóst fyrir skífuþeytarann Jean sem er þekktur skemmtikraftur í Hollandi.Íslenska sendinefndin safnaði nokkrum upplýsingum um keppnisreglur og fyrirkomulag keppninnar ytra sem verður nýtt við næstu iðnnemakeppni á Íslandi. 

 

Námsvísir IÐUNNAR kemur út í dag. Að vanda býður IÐAN upp á fjölbreytt námskeið fyrir aðildarfélaga. Meðal nýjunga má nefna námskeið í stjórnun og rekstri. T.d. má nefna námskeið um skuldastýringu og gengisvarnir, birgðastjórnun í iðnaði, framleiðslustjórnun iðnfyrirtækja, gæðastjórnun og móttöku viðskiptavina.

Fyrstu stjórnunar- og rekstrarnámskeið hefjast 15. september en þá hefst námskeið í framleiðslustjórnun í iðnaði.

Námskeið haustsins eru nú komin á vefinn. Námsvísir kemur út 3. september. Rétt er þó að skrá sig strax hafi menn áhuga á tilteknum námskeiðum. Reynslan sýnir að mörg námskeið fyllast fljótt. Vegna flutninga í Skúlatún 2, kunna að vera smávægilegar snurður á vefskráningu. Bent er á símanúmer okkar 5906400 á meðan lagfæringar standa yfir.

Prenttæknisvið hefur náð samkomulagi við Oxuniprint um nemaskipti. Samkomulagið felur í sér að tveir nemar frá Íslandi dvelja hluta af námstíma sínum í Oxuniprint í Oxford á Englandi. Sömuleiðis að tveir nemar koma frá Oxuniprint til Íslands og dvelja í íslenskum prentsmiðjum. Samningurinn er fjármagnaður af Leonardo áætluninni um nemendaskipti. Nemarnir geta komið úr öllum geirum upplýsinga- og fjölmiðlagreina. Áhugasamir geta sett sig í samband við prenttæknisvið.

Afhending sveinsbréfa í upplýsinga- og fjölmiðlagreinum fer fram að Hverfisgötu 21 þann 13. júní nk. kl. 18.00. Að þessu sinni verða afhent 11 sveinsbréf til nýsveina, 8 í grafískri miðlun og 3 í prentun. Sveinspróf í ljósmyndun fara fram í lok september. Frestur til að skrá sig í sveinspróf í ljósmyndun rann út 1. júní.   

 

We are searching URGENTLY for the following machines:

Heidelberg
CD 102-5LX
SM 52-5+L

MAN Roland
204 HOB
702+L or similar

HORIZON

VAC 100a, VAC 100m, HMU 100, ST 40, SPF 200A, SC 200, BQ 270

+ modul for front cut FC20

Thank you for co-operation.

Tatjana Fengler
Sales Management Kind regards from Cologne

E-Mail Tel Fax ICQ# Skype
trade@eurochannel.de +49 221 92432-16 +49 221 92432-2 286543286 wis-fengler

Aðalfundur var haldinn þriðjudaginn 29. apríl sl. á Grand Hótel. Í stjórn IÐUNNAR fræðsluseturs árið 2008 eru:

Aðalmenn:	Varamenn:
Bjarni Thoroddsen SI	Atli Vilhjálmsson BGS
Finnbjörn Hermannsson Samiðn	Erna Hauksdóttir SAF
Georg Páll Skúlason FBM	Heimir Kristinsson Samiðn
Guðmundir I. Skúlason BGS	Haraldur Dean Nelson SI
Hilmar Harðarson FIT	Hákon Hákonarson Samiðn
Magnús Magnússon VM	Ingi Bogi Bogason SI
Níels Olgeirsson MATVÍS	Ingólfur Sverrisson SI
Ragnheiður Héðinsdóttir SI	Stefán Ólafsson FBM
Jón Steindór Valdimarsson SI	Sveinn Ingason FIT
Þorsteinn Víglundsson SI	Þorsteinn Gunnarsson MATVÍS

 

 

 

 

 

 

 

 

 

 

 

 

 

 

 

 

 

Sveinspróf í grafískri miðlun og prentun verða haldin 19. - 23. maí. Sveinsbréf verða afhent föstudaginn 13. júní við hátíðlega athöfn í húsi Félags bókagerðarmanna að Hverfisgötu 21 milli kl. 18.00 og 19.00. Velunnarar nýsveina, meistarar og tilsjónarmenn þeirra ásamt fjölskyldu og vinum eru velkomnir.

Þeir Jóhann Geir Úlfarsson, nemi í grafískri miðlun á Expo og Arnar Már H. Guðmundsson, nemi í ljósmyndun við Iðnskólann í Reykjavík fóru með sigur af hólmi á Íslandsmóti iðngreina sem lauk í Laugardalshöll í dag. Dómnefnd sem skipuð var þeim Kalman le Sage de Fontenay, Hirti Guðnasyni og Birni M. Sigurjónssyni valdi milli fjögurra verkefna. Dómarastörfin voru óvenju snúin þar sem úrlausnir keppenda voru mjög jafnar að gæðum. Greinilegt er að þarna eru einbeittir og hæfileikaríkir nemendur á ferð. Allir keppendur fengu glaðning frá prenttæknisviði að lokinni drengilegri og spennandi keppni.

Á myndinni eru frá vinstri: Jóhann Geir Úlfarsson (sigurvegari í grafískri miðlun), Ólafur Tómas Guðbjartsson nemi í grafískri miðlun, Tinna Ósk Grímarsdóttir nemi í grafískri miðlun, Ólöf Dómhildur Jóhannsdóttir nemi í ljósmyndun, Arnar Már H. Guðmundsson (sigurvegari í ljósmyndun), Viktor Örn Guðlaugsson nemi í ljósmyndun, Silja Rut Thorlacius nemi í ljósmyndun og Tinna Ásgeirsdóttir nemi í grafískri miðlun.  

Það var allt á suðupunkti á Íslandsmóti iðngreina um hádegið í dag, þegar keppendur í upplýsinga- og fjölmiðlagreinum voru að ljúka keppni. Þær Tinna Ósk Grímarsdóttir og Silja Rut Thorlacius voru að minnsta kosti spenntar að sjá þegar Jón Sandholt aðstoðaði þær við að skila verkefninu. Nú er spennandi að sjá hver fer með sigur af hólmi. Úrslit verða kynnt kl. 16.30 í dag laugardag.

Einbeitingin skein af keppendum í grafískri miðlun og ljósmyndun á Íslandsmóti iðngreina í dag.  Átta keppendur sem dregnir voru saman í fjögur tveggja manna lið fengu það verkefni að gera bækling og plakat fyrir Húsdýragarðinn. Það voru IKEA og Apple búðin sem lögðu til tölvur og húsbúnað ásamt Nýherja sem lagði til prentara.  Nú verður spennandi að sjá hverjum tekst að leysa verkefnið best af hendi. Það kemur í ljós á morgun klukkan 16.30 þegar verðlaun verða afhent sigurvegara í hverri grein. 

Iðnaðarráðherra, Össur Skarphéðinsson, setti  Íslandsmót iðngreina kl. 11.00 í dag, 18. apríl í anddyri Laugardalshallarinnar á annarri hæð. Íslandsmótið er nú árviss viðburður þar sem iðnnemar þreyta keppni í sínum faggreinum. Alls keppa um 80 nemar úr 20 greinum. Mótið stendur yfir 18. og 19. apríl. Verðlaunaafhending verður kl. 16.30 19. apríl. Dagskrá mótsins er hér.

Aðgangur er ókeypis og eru allir hvattir til að fylgjast með spennandi og skemmtilegri keppni.

IÐAN fræðslusetur kynnir starfsemi sína á sýningunni Verk og vit 2008 sem tileinkuð er byggingariðnaði, skipulagsmálum og mannvirkjagerð. Þeir sem leggja leið sína til okkar á svæði C12 geta tekið þátt í skemmtilegu netfangahappdrætti. Gestir skilja eftir netföngin sín og þegar sýningunni lýkur verða fimm netföng dregin út. Hinir heppnu fá gjafabréf að upphæð 50.000 krónur. Gjafabréfið gildir sem greiðsla upp í einhver hinna fjölmörgu námskeiða á vegum IÐUNNAR fræðsluseturs.

Íslandsmót iðngreina verður haldið 18. og 19. apríl nk. Keppnin fer fram í Laugardalshöll og hefst 18. apríl kl. 09.00.  Um 80 þátttakendur keppa í 11 greinum. Prenttæknisvið gengst fyrir keppni í grafískri miðlun og ljósmyndun líkt og í fyrra. Að þessu sinni þreyta 8 keppendur í fjórum liðum keppni í gerð efnis fyrir prent og skjá. Keppnisstjóri er Hjörtur Guðnason og honum til fulltingis eru Jón Sandholt og Kalman Le Sage de Fontenay. IKEA og Apple búðin hafa góðfúslega samþykkt að styðja við keppnina með því að leggja til tölvur og skrifstofubúnað. Verðlaunaafhending verður kl. 16.30 þann 19. apríl.

Ágætis mæting var á námskeið með Leon Baird í síðustu viku. 16 nemendur lærðu grunnatriði InDesign og Flash forritanna í CS3 svítunni í Adobe. Leon lét vel af nemendum og taldi þá standa vel miðað við nemendur í Bretlandi. Fleiri námskeið í Flash eru fyrirhuguð næsta haust. Einnig er verið að skoða fleiri möguleika á kennslu í hljóð og myndvinnslu.

Haldinn verður fræðslufundur um gerð prófa og námsmat fimmtudaginn 8. maí kl. 15.00-17.30 að Hallveigarstíg 1, 101 Reykjavík. Aðgangur er ókeypis en hvetjum fólk til að skrá sig. Hlökkum til að sjá sem flesta.

Skráning fer fram til og með mánudeginum 5. maí  í síma 590 6400. Nánari upplýsingar veitir Helen Williamsdóttir Gray í síma 594 4023. Einnig má senda tölvupóst á hwg@idan.is (sjá auglýsingu)

 

Styrkir vegna ferða á DRUPA prentsýninguna voru afgreiddir 3. apríl á fundi prenttæknisjóðs. Alls bárust 25 umsóknir og voru allar gildar utan ein. Dregið var úr gildum umsóknum og voru 15 styrkþegar samþykktir.  Sjóðsstjórn sendir hinum heppnu bréf fyrir helgi. Fær hver þeirra 60 þúsund krónur til að standa straum af ferðakostnaði á DRUPA í Dusseldorf.  Athygli vakti að engar konur sóttu um styrkinn. 

Hádegisfyrirlestur um lánsfjárþurrð á mörkuðum verður haldinn í Bláa Sal Háskólans í Reykjavík (gamla Morgunblaðshúsið) þriðjudaginn 8. apríl kl. 12.15. Fyrirlesarar eru Bjarni Már Gylfason hagfræðingur SI, Jón Hreinsson fjármálastjóri Nýsköpunarmiðstöðvar Íslands og Helgi Björn Kristinsson forstöðumaður ráðgjafar Glitnis. Aðgangur er ókeypis og öllum heimill meðan húsrúm leyfir en gestir eru beðnir að skrá sig hér.

Sveinspróf verða haldin í grafískri miðlun, prentun og bókbandi frá 19. - 23. maí nk. Þeir sem hyggjast taka sveinspróf eru beðnir að skrá sig fyrir 1. apríl hjá IÐUNNI fræðslusetri. Skráningareyðublöð sveinsprófs má nálgast  á www.idan.is undir liðnum námssamningar og sveinspróf. Sveinsprófsgjald er kr. 5000 sem verður innheimt að prófinu loknu. Sveinsbréf verða afhent föstudaginn 13. júní.

Nokkrir margmiðlunardiskar fást lánaðir á Prenttæknisviði. Diskarnir eru lánaðir til eins mánaðar í senn.

Þessir diskar eru til láns:

Mastering color with Ben Willmore

Mastering Camera Raw with Ben Willmore

Advanced Masking in Photoshop with Ben Willmore

InDesign CS3 with David Blatner

Diskarnir eru lánaðir aðildarfélögum þeim að kostnaðarlausu gegn 5000 kr. tryggingu.

Leon Baird kennir InDesign og Flash námskeið 8.-11. apríl nk. Leon Baird er brautarstjóri margmiðlunar við Southwark College í London. Hann hefur starfað við margmiðlun, umbrot, prentiðnað og hönnun frá 1993 í London. Skrá mig á námskeiðið!

 Hver sér vefinn þinn? er yfirskrift hádegisfyrirlestrar sem Kristján Már Hauksson  flytur þriðjudaginn 26. febrúar. Hann fjallar um nýjustu rannsóknir á því hvernig netnotendur skoða vefi og greinir frá aðferðum til að hámarka leitarniðurstöður leitarvéla. Fjölmörg fyrirtæki nýta sér ekki þá möguleika sem felast í internetinu. Með einföldum aðgerðum má auka notkun vefjanna og þannig ná betri útbreiðslu á veraldarvefnum.

 10 nemendur sitja námskeiðið bestu aðferðir rekstrar sem hófst 19. febrúar. Jón Hreinsson fjármálastjóri Nýsköpunarmiðstöðvar Íslands kennir nýjust aðferðir í rekstri, hámörkun afkasta, framlegð á vinnustöð, ferla, skipulag og innra verkbókhald svo nokkuð sé nefnt. Þá kennir Jón hvernig snúa má núllstöðu í hagnað.  Námskeiðið er ætlað þeim sem hafa rekstur á sinni könnu eða hyggjast takast rekstur á hendur á næstunni. Nemendum gefst kostur á lengra námi innan símenntar HR í kjölfarið.  

Íslenskunámskeið fyrir erlenda starfsmenn í prentiðnaði eru nú í fullum gangi. Alls eru haldin 8 námskeið í 4 fyrirtækjum. Á námskeiðunum kenna starfsmenn Alþjóðahúss orðaforða iðnaðarins og daglegt mál. Markmiðið með námskeiðunum er að auka hæfni erlendra starfsmanna í samskiptum og gera þeim auðveldara að ná tengslum við íslenska starfsfélaga sína. Námskeiðin eru styrkt af menntamálaráðuneyti í gegnum IÐUNA fræðslusetur. Á myndinni eru erlendir starfsmenn í Ísafold að læra af kappi.

Námskeið í Litstýringum fyrir hönnuði, prentara, prentsmiði og aðra áhugasama hefst kl. 09.00 þriðjudaginn 12. febrúar. Á námskeiðinu er fjallað um litstýringar prentgagna. Kennt er í tölvuhúsi Iðnskólans í Reykjavík í stofu 621 frá kl. 09.00 - 15.00 þriðjudaginn 12. febrúar og frá kl. 08.00 - 14.00 fimmtudaginn 14. febrúar.

Hermann Geir Rúnarsson og Katrín Jónsdóttir hlutu verðlaun Iðnaðarmannafélagsins í Reykjavík fyrir framúrskarandi árangur á sveinsprófi, á hátíðardagskrá í Ráðhúsi Reykjavíkur laugardaginn 2. febrúar. Hermann Geir hlaut bronsverðlaun fyrir árangur á sveinsprófi í prentun og Katrín silfurverðlaun fyrir árangur á sveinsprófi í grafískri miðlun. Þá var Katrínu einnig veittur námsstyrkur við Háskólann í Reykjavík.  Forseti Íslands hr. Ólafur Ragnar Grímsson afhenti verðlaunin en alls hlutu 9 nýsveinar og meistarar þeirra viðurkenningu.

(Mynd: Hermann Geir tekur við viðurkenningu úr hendi forseta Íslands).

Það var stemning á námskeiðinu ,,Vélfræði fyrir bókbindara" sem stendur yfir um þessar mundir. 15 bókbindarar læra um vélfræði og stýrt viðhald bókbandslína. Hluti af námskeiðinu fjallar um málma og málmþreytu. Það var þó ekki að sjá neina þreytu á þessum tveimur nemendum sem tóku í suðutækin í gær.

Grafísk miðlun, handbók um prentiðnað og prentvinnslu kom út í dag 23. janúar á menntadegi Iðnaðarins. Erling Erlingsson framkvæmdastjóri Iðnú kynnti bókina við það tækifæri. OPM prentaði og batt bókina sem er hin glæsilegasta. Prenttæknisvið IÐUNNAR hefur haft hönd í bagga með útgáfunni og greitt götu hennar frá árinu 2005. Grafísk miðlun fæst í bókabúð Iðnú Brautarholti 8.

Grunnnámskeið í Illustrator hefst 29. janúar. Illustrator er nú að verða aðalteikniforrit atvinnumanna í hönnun og auglýsingagerð. Í CS3 hafa möguleikar forritsins vaxið töluvert frá CS2 og segja má að Illustrator sé grunnur að margvíslegri myndgerð fyrir hreyfiskilti, vef- og prentmiðla.

Á þessu námskeið kennir Höskuldur Harri Gylfason grunnatriðin við Illustrator. Kenndar eru algengustu skipanir og aðgerðir til að vinna með myndir, skreytingar, línur og texta. Farið er í stílsnið og nemendur leysa hagnýt verkefni undir leiðsögn kennara. Með námskeiðinu fylgir kennslubókin ,,Real World Illustrator CS3, industrial strength production techniques". Mælt er með námskeiðinu fyrir alla sem hafa hug á að ná tökum á nýmiðlun á skjá og prent.  ´

Námskeiðið verður haldið 29. janúar, 30. janúar, 5. febrúar og 6. febrúar frá kl. 18.00-22.00 í tölvuhúsi Iðnskólans í Reykjavík. Skráning á www.idan.is og www.pts.is  eða í síma 5906400.

Námskeiðið vélfræði fyrir bókbindara fylltist í gær og því verður ekki tekið við fleiri skráningum í bili. Þeir sem hefðu viljað sækja námskeiðið geta skráð sig á biðlista og verður nýtt námskeið sett upp um leið og fært er.

Námskeiðið hefst á mánudaginn kl. 15 að Gylfaflöt 19. Þátttakendur eru beðnir að mæta tímanlega.

Fjöldi spennandi námskeiða eru í boði á prenttæknisviði á vorönn 2008. Auk hefðbundinna námskeiða í InDesign og Illustrator verða boðin námskeið í hönnun fyrir farsíma með Mordy Golding. Hann mun einnig halda námskeið í hönnun fyrir mismunandi miðla innan Adobe svítunnar. Þá verða haldin námskeið í litstýringum og prófílum fyrir skjá og prentun auk námskeiðs í lökkun prentgripa. Önninni lýkur í maí með spennandi námskeiði Jespers Clements í umbúðahönnun.

Menn eru hvattir til að skrá sig strax því eingöngu er hægt að taka við takmörkuðum fjölda á hvert námskeið.

Skráning á námskeið prenttæknisviðs er í síma 5906400 og á www.idan.is eða með því að smella á borðann hér til hægri.