,,Ég hélt þú værir að gabba mig" sagði Anna Helgadóttir í Gutenberg þegar sviðsstjóri prenttæknisviðs færði henni gjafakort að upphæð 7.500 kr. Anna tók þátt í þarfagreiningu prenttæknisviðs og lagði nafn og símanúmer í pottinn.  Hún var svo ljónheppin að vinna gjafakort í Kringluna.

Fimm aðrir heppnir þátttakendur unnu gjafakort og fá tölvupóst í dag. Hinir heppnu geta nálgast gjafakortin á Hallveigarstíg 1 á skrifstofutíma.

George Thomas heldur hádegisfyrirlestur 9. nóvember í sal 337 (ekki bláa salnum eins og áður var auglýst) í Stjórnendaskóla Háskólans í Reykjavík kl. 12.00 - 13.00.

Ghent staðlaráðið (Ghent PDF Workgroup) hefur gefið út prófíla og staðla um prentun myndefnis í dagblöðum og bókapappír. Í stöðlunum eru gefin ráð um ,,embedding" litrúmsins, dot-gain ofl. sem varðar stillingar í Photoshop fyrir myndefni sem fer á prent. Hægt er að nálgast staðlana hér.

Einnig er hægt að hlaða niður stöðlunum af vefsíðunni www.gwg.org og smella á ,,white paper" og þar undir digital photography.

Þess má geta að Ólafur Brynjólfsson heldur námskeið í prófílum fyrir myndefni á prent snemma á nýárinu. Skráning hefst eftir helgi hér á vefnum.

Terence O´Reilly, starfsmannastjóri Oxford University Press fjallar um starfsmannastefnu Oxford U.P. á málstofu 9. nóvember nk. kl. 9.30-11.00. Hann kemur í stað George Thomas sem gerði sér lítið fyrir og bauð samstarfsmanni sínum með til Íslands.
Skráning á málstofur með þeim Terence og George eru undir linknum námskeið hér til hægri.

George Thomas, forstjóri Oxford University Press heldur fyrirlestra og málstofur 9. nóvember nk. George hefur náð undraverðum árangri í rekstri prentsmiðju Oxford bókaútgáfunnar. Hann hefur ma. aukið hagnað um 58% og sölu um 33% á sama tíma og starfsmannafjöldi hefur eingöngu vaxið um 4%. Þá hefur hann náð miklum árangri í ráðningum starfsmanna og lækkað starfsmannaveltu niður í 4%.

Ingi Erlingsson, ungur hönnuður sem starfar í London hélt hádegisfyrirlestur í Bláa salnum í húsnæði Háskólans í Reykjavík (gamla Morgunblaðshúsinu) í dag. Ingi fjallaði um hugmyndavinnuna á bak við auglýsingagerðina, sköpun persóna og ,,storyboard" við auglýsingu sem unnin var fyrir Umferðarstofu í sumar. Ingi starfar hjá auglýsingastofunni ilovedust í London og er yfirmaður hreyfimyndadeildar þeirra. Ingi starfaði áður í New York og lauk námi í grafískri hönnun frá College for the Creative Arts í London fyrir rúmu ári. Fyrirlesturinn var vel sóttur. Næsti hádegisfyrirlestur er áætlaður  9. nóvember með George Thomas, forstjóra Oxford University Press.

Hermann Þórðarson kenndi nokkrum nemendum um efnainnihald og mælingar á vatnsverki prentunar á námskeiði prenttæknisviðs í dag. Einnig fjallaði Hermann um samsetningu fount lausnar og alkohólfría prentun. Námskeiðið var samvinnuverkefni Nýsköpunarmiðstöðvar Íslands og IÐUNNAR fræðsluseturs.
Markmiðið með námskeiðinu var að freista þess að byggja upp þekkingu á efnafræði vatns fyrir prentun innanlands. Hingað til hefur þessi þekking verið sótt til erlendra fyrirlesara.  Námskeiðið tókst með ágætum og verður framhald á vorönn 2008.

Námskeiðið ,,Bestu aðferðir rekstrar" hófst stundvíslega klukkan 14.00 í dag. Tólf þátttakendur eru skráðir til leiks og kennari er Jón Hreinsson, fjármálastjóri Nýsköpunarmiðstöðvar Íslands. Námskeiðið er hið fyrsta af tveimur námskeiðum á haustönn sem aðildarfélögum IÐUNNAR standa til boða við Háskólann í Reykjavík. Á þessu námskeiði verður veitt yfirlit yfir rekstraraðferðir, fjármálastjórnun og framleiðslustjórnun í iðnaði. Seinna námskeiðið hefst 29. október og fjallar um mannauðsstjórnun. Námskeiðin eru sérsniðin fyrir stjórnendur og verðandi stjórnendur í iðnaði og eru hluti af samningi milli IÐUNNAR fræðsluseturs og Háskólans í Reykjavík sem undirritaður var síðastliðið vor.    

Sandee Cohen hóf kennslu á InDesign í dag með fullskipuðu námskeiði. Sandee er líflegur kennari og var ekki annað að sjá en nemendur hennar lifðu sig inn í námsefnið.

Sandee kennir InDesign fyrir lengra komna 4. og 5. október og Illustrator fyrir lengra komna 8. og 9. október.

Fyrirlestur um notkun teiknimynda í auglýsingum! 

Ingi Erlingsson, ungur hönnuður í London, heldur fyrirlestur um notkun teiknimynda í auglýsingum.

Þeir Guðmundur B. Theodórsson, Sigurður Einarsson, Stefán Magnússon og Ingjaldur Valdimarsson sóttu 5 daga námskeið hjá Heidelberg Print Media Academi nú í byrjun september. Á námskeiðinu var farið rækilega í Image Control búnaðinn.  Image Control er litrófsmælir sem mælir punktastækkun og gefur farfagreiningu á augabragði.  Búnaðurinn sparar allt að tvo til þrjá daga sem áður tók að mæla og fá niðurstöðu. Image control fylgir flestum prentvélum frá Heidelberg en margir prentarar eru ófúsir að nota það þar sem aðrar en tímafrekari aðferðir eru til.  Þeir félagar töldu að með IC væri hægt að stytta innstillingu niður í einn þriðja með því að nota búnaðinn rétt. Með IC væri auk þess hægt að kalíbrera hverja vél fyrir ákveðna lesningu. Það stytti tíma og sparaði efni. Þá voru þeir allir sammála um að svona námskeið efldi áhuga þeirra og gerði starfið skemmtilegra.

Þeir félagarnir létu afar vel af aðbúnaðinum og kennaranum. Þeir fengu ítarlega skoðun um prentsal Heidelberg og sáu dularfulla prentvél undir gráum dúk. Sú verður afhjúpuð á DRUPA 2008.

Þeir Sigurður, Ingjaldur, Stefán og Guðmundur voru styrktir til fararinnar af Prenttæknisviði, OPM og Félagi Bókagerðarmanna. 

IÐAN fræðslusetur heldur námskeið í samvinnu við Háskólann í Reykjavík um bestu aðferðir rekstrar lítilla og meðalstórra fyrirtækja. Námskeiðið er ætlað stjórnendum, millistjórnendum og tilvonandi stjórnendum. 

Jakob Jóhann Sveinsson margfaldur Íslandsmeistari í sundi afhenti Finnbirni Hermannssyni stjórnarformanni IÐUNNAR fyrsta eintakið af nýjum námsvísi í gær.  Jakob Jóhann prýðir forsíðu námsvísisins að þessu sinni. Námskeiðsframboð IÐUNNAR er glæsilegt sem fyrr og geta aðiladarfélagar valið úr rúmlega 100 námskeiðum á haustönn.  Námsvísirinn berst félagsmönnum í pósti á næstu dögum. Skráningar á námskeið eru á heimasíðunni hér til vinstri og í síma 5906400.

Adobe er nú þegar hafið vinnu við næstu útgáfu Creative Suite, CS4.  Notendahópur sem verður skipaður almennum notendum mun funda með stjórnendum Adobe í Chicago 15 október nk. Adobe hefur ekki gefið út hvenær næsta útgáfa mun líta dagsins ljós.

10 nýsveinar tóku við sveinsbréfi við hátíðlega athöfn í húsi Félags bókagerðarmanna við Hverfisgötu þann 15. júní s.l.

Efsta röð frá vinstri: Guðmundur Ragnar Guðmundsson frkvstj. Prentmets, Hjörtur Guðnason formaður sveinsprófsnefndar í grafískri miðlun, Stefán Jón Sigurðsson bókbandsmeistari, Hrefna Ársælsdóttir, Aldís Sigríður Sigurðardóttir, Katrín Jónsdóttir, Sigrún Ásgeirsdóttir, Jónína Ósk Lárusdóttir, Ingibjörg Dís Gylfadóttir og Þóra Kristín Sveinsdóttir. Á myndina vantar Sigurð Kjartansson og Pálma Sigurðsson nýsveina í prentun.  

 Í Danmörku er rannsakað hvort kenna megi með þriðju kynslóðar farsímum. Tilraunir hafa verið gerðar með að senda stutta kennslumola til stétta sem nota ekki tölvur í sínum störfum.

Bókaútgáfan Iðnú hyggst gefa út Handbók um prentmiðlun næsta haust. Bókin er vegleg í alla staði, á fjórða hundrað blaðsíður með fjölda ljósmynda og skýringarmynda.

Útskrift nýsveina úr bókiðngreinum verður 15. júní n.k. kl. 17.30 í húsi FBM að Hverfisgötu 21. Allir nýsveinar, fjölskyldur þeirra og meistarar eru velkomnir.

ATH. Breyttan tíma, 15. júní kl. 17.30

Ellefu nemar gengust undir sveinspróf að þessu sinni. 2 í bókbandi, 2 í prentun og 7 í prentsmíð. Sveinspróf í ljósmyndun verða haldin í september 2007. Þá verður einnig framkvæmt mat á starfsreynslu til styttingar á vinnustaðanámi nemenda í fjölmiðlatækni, bókasafnstæki og veftækni ef umsóknir um slíkt berast.

Verkefnið Bættu um betur - Húsasmíði

Glöggir lesendur taka eftir því að þeir eru að lesa nýjan vef prenttæknisviðs.